معلومات هامة

وانت/ي بتشتري مطبخ خلي بالك ^^

وانت/ي بتشتري مطبخ خلي بالك ^^

من المفصلات , الشاسيه

لو حضرتك بتهتم/ي بالجودة قبل السعر يبقي إن شاء الله المقال ده هيفيدك جداً
,
حاجة لازم نتفق عليها إن أي مطبخ خشب من خامة ” اليوفي لاك – البولي لاكاللامي جلوس – الجلوس ماكس – الباور جلوس – HPl و الاكريلك

إن الدلفة الخارجية فقط هي اللي بتكون من الخامات دي والشاسيه الداخلي بيكون MDF او ألواح كونتر مكبوسة فرومايكا بأنواعها المصري والهندي.
والواح الدلفة الخارجية بتيجي مستوردة من تركيا جاهزة دون تدخل لاي عامل بشري عدا الـ HPL بيجي الواح بسمك 1 مم تقريبا
بيتم كبسه ف مصر على الواح كونتر او الواح MDF.
,
إتسألت عن إزاي مصنع والسعر تقريبا فوق المتوسط ؟! فكان لازم توضيح مُبسّط إن شاء الله.

شاسيه الـ مطبخ :

نبدأ باكتر حاجة مهمة في ال مطبخ وهو الشاسية الشاسيه هو العصب الرئيسي للمطبخ
الشاسيه بيمثل سقف وأرضية الوحدة والأجناب والأرفف

أكتر عنصر بيكلف خشب في المطبخ هو الشاسيه , وهو اكتر عنصر لازم نختار خاماته صح ويتم استخدام الواح الكونتر او الـ MDF.

وللتوضيح  الـ MDF تجميع الأليتا جيد ولكن تظل ألواح الكونتر الجيدة الأفضل في الاستخدام ف الشاسيه الداخلي للمطبخ.

انواع الواح الكونتر ف السوق المصري:

كونتر جود وود , كونتر توب وود , كونتر فرست وود , كونتر الفنية , كونتر القومية , كونتر الهندسية , كونتر الوطنية , كونتر الصالح
الكونتر الاندونيسي , كونتر العبور وود , التمساح , الشرقاوي , لايك وود , الزهراء وود.

ف المطابخ الخشب المودرن يتم استخدام الكونتر السادة مكبوس بطبقتين hpl هندي او فرومايكا مصري.

متوسط سعر لوح كونتر جود وود 850 جنيه

أما متوسط سعر الواح الكونتر نوع فرست وود والفنية والفرسان والفراعنة 800 جنيه

وموجود في السوق المصري الواح كونتر بمتوسط سعر من 250 و 350 جنيه .

,
في صناعة المطابخ بيتم كبس ألواح الكونتر او الـMDF بطبقتين HPL وهناك من يستخدم للشاسيه الداخلي فرومايكا مصري

و ف صناعة غرف النوم بيتم كبس اللوح قشرة ارو – لو شكل الدهان خشبي زي الاستر – او طبقة MDF لو شكل الدهان سادة زي الدوكو
,

بنستخدم في بن صبري للشاسيه الداخلي الواح كونتر جودوود و الشرقاوي – حسب نظام السعر – ويتم كبسهم بطبقتين HPL هندي ابيض.

فطبعاً لازم ناخد بالنا احنا هنستخدم أني نوع كونتر بالظبط عشان فرق السعر.

انواع مفصلات الـ مطابخ :

من أهم العوامل في إختلاف سعر الـ مطبخ من مكان للتاني نوع مفصلات المطابخ والشاسيه الداخلي
وعلي سبيل المثال هشرح علي وحدة دلفتين مقاس 1 متر وليكن سعر الوحدة 2250 جنيه.

الوحدة دي فيها 4 مفصلات , بنستخدم في بن صبري مفصلات بلوم النمساوية بسعر 50 جنيه للمفصلة الواحدة السوفت كلوز.
موجود في السوق المصري مفصلات صيني مكتوب عليه Model Italy مش Made in Italy ودي سعرها في المتوسط 10 جنيه
يعني الوحدة الواحدة سعرها هيقل 160 جنيه لو تم استخدام مفصلات مطابخ صيني

ومن خلال المقال ده هتلاقي ” شرح لكل انواع مفصلات المطابخ واسعارها ف مصر

انواع مجرى ادراج المطابخ:

موجود في السوق المصري انواع كتير من مجري الادراج ارخص سعر هو الصيني و دي متوسط سعرها 30 لـ 50 جنيه
والمجري التركي ومتوسط سعرها 150 جنيه للمجري السوفت كلوز مرحلة واحدة مقاس 50 سم
و المجري البلوم النمساوي ومتوسط سعرها 200 جنيه للمجري السوفت كلوز مرحلة واحدة مقاس 50 سم  .

يعني لو وحدة أدراج مكونة من 3 درج , يعني 3 طقم مجري , لو صيني فتكلفة المجري 150 جنيه ولو تركي 450 جنيه
والبلوم هتكون 600 جنيه

طبعا الفرق واضح وكبير جداً , واحنا في بن صبري بنستخدم مجري الادراج بلوم نمساوي سوفت كلوز.

انواع مجرى الدولاب الجرار :

مجري الدولاب الجرار موجود منها الصيني والتركي والالماني والايطالي.

وموجود ف هانيمكس المجري الالماني العادية والمجري اللطش , وفرق السعر 14 ضعف لصالح المجري اللطش.

,

من العوامل المؤثرة أيضا في السعر نوع المقابض فلازم نخلي بالنا من بلد المنشأ والنوع أيضاً.

دمتم بخير وانتظرونا في نصايح جديدة قبل ما تشتري مطبخ او غرفة نوم إن شاء الله.

ومتنسوش تشوفوا مقال مواصفات وألوان خامات المطابخ البولي لاك واللامي جلوس والـ HPL.

وشاهدوا أيضا أنواع التصاميم الـ 7 ومتي يُفضّل إستخدام كل شكل تصميم للـ مطابخ.

إعداد: مهندس علي صبري.

*تحديث الاسعار بتاريخ  26-01-2020.

مقالات ذات صلة

‫20 تعليقات

  1. السلام عليكم ورحمة الله وبركاته ، أرجو لو تكرمتم انه يحصل تعديل على الاسعار للسعر الحالي في السوق في تاريخ يونيو 2019 ، ام ان هذه الأسعار الحديثة ، أرجو الإفادة حتى تكون صفحتكم محدثة ومطابقة لأسعار السوق حتى يتم الاسترشاد بالمعلومات القيمة في صفحتكم ، وشكراً على هذه المعلومات الوفيرة

    1. وعليكم السلام ورحمة الله وبركاته يا فندم

      الاسعار الموجودة حاليا هي اسعار السوق تقريبا لبعض الخامات المذكورة

      وجزاكم الله خيرا

  2. لو سمحت عندي دولاب جرار ٣ متر ايه احسن مجري و خو فيه مجري فوق و مجري تحت يتكلفو كام التلاته متر لباب الدولاب الجرار المكون من ٣ ابواب كل باب متر

    1. السلام عليكم يا فندم
      كافة التفاصيل الخاصة برسوم العاينة والفروع ف مقال اسعار مطابخ بن صبري

قول رأيك بصراحة ^^

زر الذهاب إلى الأعلى