حساب مساحة المطابخ

إشتري مطبخك بالوحدات – طب ليه ؟

ان شاء الله خلال المقالة دي هنشرح طرق حساب مساحة المطابخ:
1- المتر المربع ف حساب مساحة المطابخ
2- المتر الطولي ف حساب مساحة المطابخ
3- نظام الوحدات ف حساب مساحة المطابخ.

وهل الأفضل إنك تشتري مطبخك بالمتر المربع ولا المتر الطولي ولا نظام الوحدات ؟

أكتر عبارة بيسمعها مننا عملائنا الكرام في بن صبري عبارة ” مش مهم سعر المتر كام “

طب ليه ؟!

عشان فيه أكتر من ثلات طرق مختلفة لـ حساب مساحة المطابخ الإجمالية هنوضحهم بالتفصيل ان شاء الله.

طرق حساب مساحة المطابخ:

1-طريقة المتر المربع في حساب مساحة المطابخ:

لو المطبخ طوله 2 متر سفلى و 2 متر علوى
و بفرض إن إرتفاع الوحدات السفلية 90 سم وإرتفاع الوحدات العلوية 70 سم
يتم ضرب 2 متر * (90 + 70) سم

إذن المساحة الإجمالية للمطبخ 2*1.60 = 3.2 متر مربع

ولو هناك وحده ادراج بيتم ضرب عرض وحدة الادراج * الإرتفاع * 1.5 وفيه اماكن بتضرب في 2.0

ولو هناك ركنه حرف – لـ – او وحدة زاوية هناك من يقوم بجمع مقاسات الوحده على الحائطين ثم الضرب * الارتفاع
او جمع الأطوال والضرب في الإرتفاع في 1.5.

2- طريقة المتر الطولى في حساب مساحة المطابخ:

يتم جمع عرض الوحدات السفليه + الوحدات العلويه بغض النظر عن الارتفاع

لو هناك وحدات مطبخ 2 متر سفلى و 2 متر علوى، إذن المساحة الاجمالىه 4 متر طولي.

ونظام المتر الطولي الأكثر إستخداماً في مطابخ الألوميتال

وأيضا يتم ضرب مساحة الزوايا والأدراج في 1.5 او 2.0 حسب طريقة الحساب .

عيوب نظام المتر المربع والمتر الطولي:

عدم تساوي رقم المساحة بين معرض والاخر و نظرياً المفروض تكون كل الارقام متساوية ولكن لا يحدث نتيجة اختلاف ماهية الحساب نفسها.

3- نظام الوحدات في حساب مساحة المطابخ:

أكتر نظام واضح بلا منازع في حساب مساحة المطابخ لأن بيكون سعر الوحدة مُحدد حسب طبيعتها ومعروف من قبل التعاقد علي المطبخ ورفع المقاسات.

يتم حساب سعر كل وحدة على حسب طبيعة استخدامها و ابعادها في الارتفاع والعمق.

فنجد أن الوحده الـ 90 سم السفلى سعرها مختلف عن الـ 90 سم العلوى نظراً لإختلاف العمق والإرتفاع

و الوحده 60 سم الأدراج سعرها أغلى من ال 60 سم الدلفه وهكذا ….

طريقة حساب سعر الوحدات المختلفة في مطابخ بن صبري:

يتم حساب اسعار باقي الوحدات المختلفة بالنسبة من سعر الوحدة العادية فمثلاً

– سعر الركنة الـ 90 = 1.25 * سعر الوحدة العادية الـ 90 .
– الزاوية حرف الـ =  1.5 * الوحدة العادية.
– وحدة الأدراج و وحدة البامبو  = 1.5 الوحدة العادية , و وحدة الادراج الواحدة بتحتوي على 3 ادراج.
-الدولاب – بإرتفاع 225 سم – و سعره لو مقفول = 3 * سعر الوحدة السفلية
– دولاب يحتوي علي فرن , فسعره = 2.75 * سعر الوحدة السفلية
– دولاب يحتوي على فرن + ميكرويف , فسعره = 2.5 * سعر الوحدة السفلية.

– سعر الوحدة المفتوحة من خامة البولي لاك او اللامي جلوس او الـ hpl و الهاي جلوسي = 1.5 * سعر الوحدة العادية

-الوحدات إرتفاع 30 سم = 0.60 * سعر الوحدة.
-الوحدات إرتفاع 40 سم = 0.70 * سعر الوحدة.
-الوحدات إرتفاع 50 سم = 0.85 * سعر الوحدة.
-الوحدات إرتفاع 60 سم = 0.95 * سعر الوحدة.
-الوحدات إرتفاع 80 سم = 1.10 * سعر الوحدة.
-الوحدات إرتفاع 90 سم = 1.30 * سعر الوحدة.
-الوحدات إرتفاع 100 سم = 1.40 * سعر الوحدة.
-الوحدات إرتفاع 110 سم = 1.50 * سعر الوحدة.
-الوحدات إرتفاع 120 سم = 1.60 * سعر الوحدة.
-الوحدات إرتفاع 130 سم = 1.80 * سعر الوحدة.
-الوحدات إرتفاع 140 سم = 1.90 * سعر الوحدة.

النقطة الأهم في البوست إن مش شرط المتر الطولي يكون أوفر أو المربع أوفر من الوحدات او العكس

المهم سعر المطبخ الإجمالي كام ؟!

مع مراعاة نوع الكونتر – حال المطابخ الخشب – والمفصلات والاكسسوار واللي تم توضيح مدي أهميتهم في تحديد السعر في المقال ده وانت/ي بتشتري مطبخ خلي بالك ^^.

 

 

YOU MAY ALSO LIKE
3 COMMENTS
  1. YassYa -
    At 8:19 م On أبريل 7, 2018

    جميل الشرح

  2. Dr. Mohamed Alkady -
    At 4:46 م On مارس 9, 2021

    دلوقتى لو بتاع المطبخ بيقيس المطبخ بطريقه حساب كل وحده طول فى عرض ويجمع فى الآخر ويطلع التكلفه الطريقة دى سليمه فى القياس ولا فيها شبهة تلاعب خاصه وان العمق تحت ٦٠ سم وفوق ٣٥ سم

  3. Ali Bin Sabri -
    At 1:42 ص On مارس 21, 2021

    أهلا وسهلا بحضرتك يا فندم
    مفيش شبه حضرتك طالما طريقة القياس واضحة والتكلفة

Leave A Comment