أنواع مفصلات المطابخ في السوق المصري .
** تنبيه هام: لسنا محل أو جهة بيع إكسسورات أو مفصلات والأسعار الموجودة للإسترشاد فقط **
المفصلات نوعين نوع باكم اي Soft Close ونوع عادة مش سوفت كلوز .
منتشر في السوق المصري والعالمي انواع كتير لـ مفصلات المطابخ وترتيبهم حسب أسعار
مفصلات المطابخ.
1- المفصلة الألمانية هيتش بمتوسط سعر 50 جنيه للمفصلة الباكم ، ودي الوكيل بتاعها هانيمكس
2- المفصلة الإيطالية فيراري بمتوسط سعر 50 جنيه للمفصلة ال Soft close , الوكيل ميتاليست .
3- المفصلة النمساوية بلوم – الأشهر والأفضل في مجال المطابخ – بمتوسط سعر 50 جنيه للمفصلة السوفت كلوز، الوكيل: الفنية وطارق السلاب.
4- المفصلة الألمانية جراس بسعر 45، الوكيل: العربي.
5 – المفصلة الإيطالية دانكو بمتوسط سعر 35 جنيه، و موجودة ف العربي وهانيمكس.
5- المفصلة التركية سامت بمتوسط سعر 25 جنيه. الوكيل: العربي.
6- مفصلات المطابخ الايطالي FGV بمتوسط سعر 25 للمفصلة السوف كلوز، الوكيل: كيتشن لاين.
،
7- المفصلة الصيني – الأفضل في فئة الصيني – المفصلة بلومو ، والاسم تقليد لماركة بلوم النمساوية بمتوسط سعر 17 جنيه للمفصلة السوفت كلوز.
8- المفصلة الصيني نوع كونسون، وشعار الكونسون قريب من شعار المفصلة الايطالي فيراري.
واخيراً مفصلات صيني كتير ومتعددة الاسماء بمتوسط سعر 10 جنيه
،
ومنتشر في السوق المصري مفصلات المطابخ الصيني و مكتوب عليها Model Italy
والإيطالي الأصلية بيكون مكتوب عليها Made in Italy ،
والمفصلات الإيطالي فيه منها كذا نوع ف السوق متفاوتة جداً ف السعر ف لو هتستخدمي مفصلات إيطالي لازم تكوني عارفه نوعها بالتحديد.
دي كانت أشهر أنواع مفصلات المطابخ و أسعار مفصلات المطابخ
وعشان نشوف قد ايه المفصلات بتفرق، هنحسب فرق التكلفة علي وحدة مطبخ دلفتين ، فيها 4 مفصلات.
،
لو سعر الوحدة الواحدة 2200 بإستخدام مفصلات بلوم
فالسعر هيقل حوالي 200 جنيه لو تم استخدام مفصلات صيني.
ف مهم جداً لما تشوفي إعلان مكتوب فيه افضل الخامات، تسئلي وتعرفي نوع الخامات دي إيه و مصنوعة فين
وقبل ما تسألي عن سعر المتر أو الوحدة ، تسالي عن نوع الخامات وهل المفصلات سوفت كلوز ولا عادة : )
* جميع الأسعار السابقه هتقل من 25 لـ 30 جنيه لو مفصلة عادة مش Soft Close.
أفضل أنواع مفصلات المطابخ:
بنرّشح بلوم النمساوي من الفئة السعرية الأولي
ثم سامت التركي و FGV الايطالي و RESTO الايطالي من الفئة السعريه التانيه.
– لو بتقارني بين مفصلات بلوم العادة ومفصلات سامت السوف كلوز، ف سامت التركي السوف الكلوز الافضل.
أنواع مجري الادراج:
الاشهر بلوم النمساوي بسعر 200 جنيه للمجري السوف كلوز , مقاس 50 سم.
وسامت التركي بسعر 150 جنيه للمجري السوف كلوز , مقاس 50 سم
و Muzzin الايطالي بنفس سعر السامت التركي
والصيني من 30 ل 90 جنيه لو باكم .
أنطمة حساب أسعار المطابخ في بن صبري:
احنا في بن صبري بنحسب تكلفة المطبخ بنظام الوحدات لمزاياه المتعددة وكمان عندنا أنظمة سعرية مختلفة بنفس الضمان.
مهندس علي صبري.
الكلادينج نوع حلو ولا لا
ولو عيزاه ف الطبقات الخارجيه بس يبقي الأساسي يبقي نوعه ايه؟
السلام عليكم يا فندم , للاسف حضرتك مش شغالين ف الالوميتال
للاسف حضرتك مش شغالين ف الالوميتال
ممكن اعرف ازا كان فيه نوع مفصلات إيطالي soft close اسمها Hanimex وبتكون كويسه ولا لأ
المفصلات اللي اسمها هانيمكس، صيني حضرتك مش إيطالي
هي صينى حضرتك مش إيطالي
هو المجرى الباكم للادراج اللي بتكون سوفت كلوز بتنفع مع خامة الدبل فايبر؟
للأسف حضرتك مش شغالين في الالوميتال ، ف معنديش معلومة مؤكده
للأسف لا
يعني ايه مفصلة بلوموشن
وايه الفرق بينها وبين المفصلةانسرتا
في مجموعة مفصلات بلوم الاسبانيه
وايه الافضل للمطابخ الكلادينج
المفصلات البلومش يعنى Soft close ، مش بتعمل صوت وهي بتقفل.
مفصلات بلوم نمساوي حضرتك مش أسباني
الأفضل للمطابخ الخشب أنواع كتير أشهرها البلوم و التايتوس والسامت التركي والدانكو الإيطالي.
الكلادنج متاح يركب له بلوم حسب القطاع و مفصلات إيطالي خاصة ب الألمنيوم