إزاي تعرفي نوع خشب مطبخك؟ | بن صبري

إزاي تعرفي نوع خشب مطبخك؟

انواع خشب المطابخ

بما إن حضرتك وصلتي هنا، ف إنتي محظوظة إن شاء الله ^^

تمهيد:

بإختصار, المطابخ الخشب المودرن بتتكون من خشب الدلفة الخارجية و خشب العِلب الداخلية – خشب الشاسيه – 

خشب الدلفة الخارجية ف العالم كله ثابت!

ليه؟
لأن ألواح الدلفة الخارجية زي البولي لاك و اللامي جلوس و اليوفي لاك و الاكريلك و الـ PVC بتيجي ألواح جاهزة مُستوردة بسمك 18 مم ومقاس 122 سم فـ 280 سم  من تركيا ومش بيتم تصنيعها ف مصر.

يعني كده اتفقنا ان الدلفة الخارجية لو بولي لاك ف مفيش فرق بين خامة البولي لاك ف المعرض رقم 1 او المعرض رقم 2.

– الفرق بيكون في تقفيل شريط الحرف ونوع الغراء المُستخدم ف تقفيل شريط الحرف , احنا الحمد لله ف بن صبري بنستخدم احدث ماكينة لصق شريط حرف – ماكينة 9 مراحل صاحبة الأعلي فنش عالمياً – و الغراء نوع HP Fuller الألماني الأافضل عالمياً.

نوع خشب الشاسيه الداخلي:

إزاي تعرفي نوع خشب مطبخك؟ 5ف الصورة 4 عينات خشب كونتر طبيعي.

رقم 1 ف الصورة: عينة خشب كونتر طبيعي قبل اضافة طبقة ميلامين او HPL او دهان وهي غير مقاومة للماء او الرطوبة.
رقم2: عينة كونتر تم كبس طبقة HPL عليها.
إيه عيب العينة دي: فيها فراغات وبالتالي مسمار المفصلة هيفك من مكانه.

رقم 3: عينة كونتر شرقاوي وهو كونتر جيّد الجودة وعليه طبقتين HPL هندي. 
رقم4: عينة كونتر جود – أغلي كونتر ف مصر – وعليه طبقتين HPL هندي والجود وود حالياً 5 بلاي مش 3 بلاي.

– سؤال: 
هل حضرتك شايفة فراغات ف العينة رقم 3 او العينة رقم 4 ؟ 
الإجابة: لا.
سؤال تاني:
هل فيه فرق فـ سعر اللوح ؟
الإجابة: 200 جنيه ف اللوح لصالح الجود وود
سؤال تالت:
هل فرق الجودة كبير لصالح اغلي خشب كونتر ف السوق ؟ 
الإجابة: ف المطابخ المودرن لا, المهم نوع خشب كونتر مفيش فيه فراغات و تجفيف جيد للخشب وكفى✋.


– العِلب الداخلية اكتر عنصر بياخد خشب واكتر عنصر بيفرق ف سعر المطبخ نفسه

العِلب الداخلية بتكون خشب كونتر او خشب صناعي متغطي بطبقة hpl هندي او ميلامين.

الكونتر أنواع كتير جدا وبعد كبس الـ HPL حضرتك مش هتعرفي النوع الكويس من الوحش ولكن خلينا نقول إن ممكن تمسكي اي – رف – وتخلعيه من مكانه وتشوفي شكل الخشب من الجنب او الناحية المقابلة للشريط عامل إزاي لأن غالباً اللي شغال بـ نوع خشب نضيف مش بيغطي كل الجوانب 
-بعد ما تخلعي الرف من مكانه , فحضرتك قدام 3 سيناريوهات:

1-مفيش فراغات، فالكونتر نضيف.

2-فيه فراغات يبقي كونتر سئ حسب الفراغات – وكل أنواع الكونتر فيه فراغات حسب الجودة –

3-الرف ملصوق شريط داير – من الأربع نواحي-  يبقي كده اللي بيعمل المطبخ بيستخدم نوع خشب سئ او MDF ف عاوز يغطي كل الجوانب عشان ميظهرش لحضرتك اي تفاصيل.

4- الرف راكب بطريقة تمنع خلعه من مكانه – مش متحرك – وده نفس السيناريو رقم 3.

  • هل تصنيع المطبخ بالـ MDF سئ للغاية ؟ 

    إزاي تعرفي نوع خشب مطبخك؟ 6

مبدئياً: الدلفة الخارجية من الـ MDF أفضل من الكونتر بسبب عيوب الكونتر الظاهرة ف الدُلف الخارجية.

ف الصورة عينة MDF عليها شريط حرف – العينة اللي تحت – واللي فوق هيا اللي بدون شريط حرف ولون الـ MDF غالبا غامق عن الخشب الطبيعي الموسكي.

اجابة السؤال: لو الشاسيه الداخي تم تجميعه بماكينات أليتا و شريط الحرف تم استخدام افضل ماكينات شريط وافضل نوع غراء لـ لصق الشريط 
فـ مفيش مشاكل ان شاء الله هتواجه حضرتك
واستخدام افضل ماكينات التصنيع بيسمح لشركات كتير تبيع أقل خامات كالـ MDF والـ chipboard بسعر عالي ومع ذلك بتضمن المطبخ لحضرتك 25 سنة, لأن لو ماكينات التصنيع عالية فـ مفيش مشاكل هتقابلك فـ مطبخك إن شاء الله.

فـ النهاية, اتمني أكون وُفقْت ف توضيح الصورة وحابب اوضح ان الاماكن اللي بتبيع المتر المربع البولي لاك بـ 1950 و 2250 و 2500 حتي وبيقول لحضرتك ان نوع الكونتر جود وود او فنية ومفصلات بلوم Soft Close  فهو غير صادق للأسف ونتحدي اي معرض يقول ان تكلفة الخامات بالتصنيع من غير ضرايب ومصاريف معرض و جودة عالية بسعر اقل 2500 او 2400 بأقل تقدير.

 

  • احنا فـ بن صبري عندنا 4 أنظمة سعرية , خامة الدلفة الخارجية ثابتة وخشب الشاسيه الداخلي بيكون كونتر جود وود او كونتر الشرقاوي او الواح كرونوسبان الألماني – MDF – وكل نظام بسعر مختلف لأن سعر براند جود وود غير براند الشرقاوي غير الكرونوسبان
    والحمد لله بنستخدم أعلي ماكينة لصق شريط حرف – ماكينة 9 مراحل – وافضل نوع غراء ألماني HB Fuller.

لتفاصيل الأنظمة السعرية شاهد الآن 

 

اعداد:
مهندس علي صبري.

7 thoughts on “إزاي تعرفي نوع خشب مطبخك؟

  1. Muhammed A. Bakr says:

    السلام عليكم هندسة. انا مهندس ميكانيكا وعاوز اصنع مطبخى بايدى فهل ممكن اشترى الخشب من حضرتك وبعد ما اقطعه الصق الشريط عند حضرتك ؟ بحيث انا اللى هقطع واجمع المطبخ. كل عام وانتم بخير

أضف تعليقك

%d مدونون معجبون بهذه: