إزاي تعرفي نوع خشب مطبخك؟

بما إن حضرتك وصلتي هنا، ف إنتي محظوظة إن شاء الله ^^

وتمهيد:

بإختصار, المطابخ الخشب المودرن بتتكون من خشب الدلفة الخارجية و خشب العِلب الداخلية – خشب الشاسيه – 

خامة خشب الدلفة الخارجية ف العالم كله ثابت!

ليه؟
لأن ألواح الدلفة الخارجية زي البولي لاك و اللامي جلوس و اليوفي لاك و الاكريلك و الـ PVC بتيجي ألواح جاهزة مُستوردة بسمك 18 مم ومقاس 122 سم فـ 280 سم  من تركيا ومش بيتم تصنيعها ف مصر.

يعني كده اتفقنا ان الدلفة الخارجية لو بولي لاك ف مفيش فرق بين خامة البولي لاك ف المعرض رقم 1 او المعرض رقم 2.

– الفرق بيكون في تقفيل شريط الحرف ونوع الغراء المُستخدم ف تقفيل شريط الحرف , احنا الحمد لله ف بن صبري بنستخدم احدث ماكينة لصق شريط حرف – ماكينة 10 مراحل صاحبة الأعلي فنش عالمياً – و الغراء نوع HP Fuller الألماني الأفضل عالمياً.

• معظم خامات الدلفة الخارجية بيكون على الدلفة ستيكر بلاستك بيوضح النوع و الوكيل.
  وده الإستيكر الخارجي على خامة البولي لاك
  الوكيل في مصر شركة EGYPT PANNEL , المصنع في تركيا شركة جزير Gizir.
  
  

نوع خشب الشاسيه الداخلي:

ف الصورة 4 عينات خشب كونتر طبيعي.

رقم 1 ف الصورة: عينة خشب كونتر طبيعي قبل اضافة طبقة ميلامين او HPL او دهان وهي غير مقاومة للماء او الرطوبة.
رقم2: عينة كونتر تم كبس طبقة HPL عليها.
إيه عيب العينة دي: فيها فراغات وبالتالي مسمار المفصلة هيفك من مكانه.

رقم 3: عينة كونتر شرقاوي وهو كونتر جيّد الجودة وعليه طبقتين HPL هندي. 
رقم4: عينة كونتر جود – أغلي كونتر ف مصر – وعليه طبقتين HPL هندي والجود وود حالياً 5 بلاي مش 3 بلاي.

– سؤال: 
هل حضرتك شايفة فراغات ف العينة رقم 3 او العينة رقم 4 ؟ 
الإجابة: لا.
سؤال تاني:
هل فيه فرق فـ سعر اللوح ؟
الإجابة: 200 جنيه ف اللوح لصالح الجود وود
سؤال تالت:
هل فرق الجودة كبير لصالح اغلي خشب كونتر ف السوق ؟ 
الإجابة: ف المطابخ المودرن لا, المهم نوع خشب كونتر مفيش فيه فراغات و تجفيف جيد للخشب وكفى✋.

– العِلب الداخلية اكتر عنصر بياخد خشب واكتر عنصر بيفرق ف سعر المطبخ نفسه

العِلب الداخلية بتكون خشب كونتر او خشب صناعي متغطي بطبقة hpl هندي او ميلامين.

الكونتر أنواع كتير جدا وبعد كبس الـ HPL حضرتك مش هتعرفي النوع الكويس من الوحش ولكن خلينا نقول إن ممكن تمسكي اي – رف – وتخلعيه من مكانه وتشوفي شكل الخشب من الجنب او الناحية المقابلة للشريط عامل إزاي لأن غالباً اللي شغال بـ نوع خشب نضيف مش بيغطي كل الجوانب 
-بعد ما تخلعي الرف من مكانه , فحضرتك قدام 3 سيناريوهات:

1-مفيش فراغات، فالكونتر نضيف.

2-فيه فراغات يبقي كونتر سئ حسب الفراغات – وكل أنواع الكونتر فيه فراغات حسب الجودة –

3-الرف ملصوق شريط داير – من الأربع نواحي-  يبقي كده اللي بيعمل المطبخ بيستخدم نوع خشب سئ او MDF ف عاوز يغطي كل الجوانب عشان ميظهرش لحضرتك اي تفاصيل.

4- الرف راكب بطريقة تمنع خلعه من مكانه – مش متحرك – وده نفس السيناريو رقم 3.

• هل تصنيع المطبخ بالـ MDF سئ للغاية ؟ 

  

وهنا شرح بالفيديو لأنواع أخشاب الدلفة الخارجية والشاسيه الداخلي