اسعار مطابخ بن صبري

السلام عليكم ورحمة الله وركاته متابعي بن صبري الكرام .

ان شاء الله خلال المقال ده هوضح طريقة حساب التكلفة واسعار المطابخ والانطمة السعرية.

الطريقة المُستخدمة في حساب مساحة المطابخ :

نظام الواحدات :
،
يعني إيه نظام الوحدات ف حساب مساحة المطابخ وليه بنستخدمه ومش بنستخدم المتر الطولي أو المربع ؟
،
نظام الوحدات هو اكتر نظام واضح وبشفافية عالية ف حساب تكلفة المطبخ
وقائمة الاسعار التالية متوضح فيها الآتي:

سعر الوحدات الدلفة العادية من أول عرض 100 سم لحد عرض 30 سم

و بنوضح سعر الركنة و سعر الزاوية حرف L
،
و بنوضح سعر وحدة الأدراج ، و وحدة الأدراج بيكون سعرها أغلي لأنها بتستهلك خشب بره و وجوه ومجري الأدراج.

و وحدة الادراج الواحدة بتحتوي على 3 ادراج.

وبيكون سعر الوحدات العلوية أقل من الوحدات السفلية .
،
طب ايه مزايا النظام الوحدات ؟
،
1- ف طريقة حساب المساحة بالمتر المربع ممكن معرض يحسب المساحة 10 متر مربع ، ومعرض تاني 10.5 ومعرض تالت 9.5
كذلك الأمر ف المتر الطولي ، لأن حضرتك مش بتكون/ي عارف/ة تفصيل الطريقة ، وايه إللي هينضرب ف 1.5 وايه إللي هينضرب ف 2 ،

” لو تم توضيح طريقة الحساب بالتفصيل ، ف اشتري بالمتر المربع أو الطولي على بركة الله ^^ “

2- ف نظام الوحدات كل وحدة بتكون منفصلة عن التانية ، وكده لو هيتم النقل من شقه لتانية ، هيكون فك وتركيب المطبخ أمر سهل
وحتي لو فيه خساير بتكون قليلة جداً.

3- عمر أطول للمطبخ ، لأن لما يكون جنب الوحدة راكب عليه 2 مفصلة غير لما يركب عليه 4 مفصلات – دلفة يمين و دلفة شمال -.
4- بعد عمرٍ طويل إن شاء الله ، لو حصل حاجة في أي وحدة بيكون أمر الإصلاح و الصيانة سهل ، لأن الضرر بيكون حاصل ل علبة بمفردها ، سهل فكها ثم إصلاحها وإعادة تركيبها.

5- رقم 5 وده الأهم إن العروض الحقيقية بتكون على نظام الوحدات ، لأن فيه أماكن بتبيع مثلاً المتر المربع ب 2950
وتعمل فترة عروض إن المتر ب 1950

والحقيقة إن الرقم التاني ده متر طولي أو متر مربع مضروب فيه مساحة الزاوية او الأدراج ف 2 أو اكتر.

فاضل تنبيه بسيط إن سعر المطبخ بالمتر المربع مش أوفر من الطولي أو العكس
وكذلك الوحدات مش أغلي ، المهم سعر المطبخ الإجمالي يساوي كام ؟
مع مراعاة نوع ألواح الكونتر و الاكسسوار العام زي المفصلات ومجري الأدراج والمقابض.

أنظمة أسعار مطابخ بن صبري:

عندنا ف بن صبري 3 انظمة سعرية عليهم نفس الضمان , لأن الحمد لله كل خامات الانطمة السعرية جيدة الجودة و ذو سمعة جيدة ف مجال صناعة المطابخ.

والانظمة السعرية هي البلاتنيوم و الجولدن والسيلفر.

العوامل الثابتة في كل الانظمة:

1- خامة الدلفة الخارجية سواء بولي لاك او لامي جلوس او يوفي لاك او HPL ثابتة – لانها بتيجي الواح مستوردة
جاهزة من تركيا , عدا الـ HPL بيتم كبسه ف مصر.

2-المقابض استانلس تركي او صيني عالي الجودة.
3-الارجل الاستانلس
4-جودة التصنيع

5-طريقة التصنيع

6- فنش الخامات

7- المفصلات ومجري الادراج بالكامل سوفت كلوز – Soft Close

8- من الثوابت المُهمة إننا مش بنستخدم اي مفصلة او مجري درج صيني – ده ممنوع عندنا ^^ –

العوامل المُتغيرة:

1- نوع الكونتر ف نظام اسعار البلاتنيوم والجولدن بيكون جود وود – الكونتر رقم 1 ف مصر – ,  وبيكون نوع الوطنية ف نظام اسعار السيلفر وكونتر الوطنية نوع جيد الجودة.

** تنبيه: كونتر الوطنية او جود وود مش هما اللي بيقاوموا الحشرات او الحرارة او الميه , طبقة الـ HPL المكبوسة فوق
الكونتر هي اللي بتقاوم المية والحرارة والحشرات.

2- نوع المفصلات , بيكون بلوم نمساوي ف نظام اسعار البلاتنيوم و سامت تركي ف نظام اسعار الجولدن والسيلفر.

 الخامات المُستخدمة :

-لو حضرتك بتفضل/ي الخامات اللامعة فالافضل بالترتيب اليوفي لاك ثم اللامي جلوس ثم البولي لاك وباقي الخامات اللامعة

الموجودة في السوق تأتي في الدرجة التانية بعد الخامات المذكورة.

-اما لو خامة مط – سطح الخامة غير لامع – فالافضل ع الاطلاق هو الـ HPL وهو مقاوم جيد جدا للحرارة والخدش والماء.

اسعار الخامات والانطمة السعرية:

*البلاتنيوم:

*الجولدن:

*السيلفر:

** الاسعار لا تشمل:

1-المطبقية والترولي والنقل والمشال حال عدد الوحدات أقل من 20 وحدة.

*ترولي استانلس هدية لو عدد وحدات المطبخ اكبر من 20.

2- الدراع المزدوج لدلفة المطبقية

3- الزجاج

, 4- السبَت البامبو

5- الاجناب الظاهرة الوضع الافتراضي ليها هو الـ HPL الابيض , ويتم حساب تكلفتها حال كونها لامي جلوس او يوفي لاك او بولي لاك.

– ف الصورة كل الاجناب الظاهرة HPL ابيض.

6-الرخام

مبادئ بن صبري:

-مراعاة الجودة العالية للخامات بسعر مناسب.

-عدم التلاعب بالاسعار خلال مواسم السنة, يعني حضرتك مش هتشتري الوحدة المتر النهاردة ب 2500 وتلاقينا بكرة عاملين عرض ان الوحدة ب 1850 , كذلك حضرتك مش محتاج تنتظر لمواسم الاعياد والمناسبات عشان تتعاقد معانا لان اسعارنا ثابتة طول السنة ان شاء الله ^^.

**

وفي الختام اتمني اكون وضحت كل شئ لحضرتك ويبقي فاضل ان تكلمنا لأجل التعاقد ان شاء الله ^^

للتواصل

مهندس علي صبري
01101123231
01002660594